Aalisakkat akii 2016-imi kvartalimut siullermut naleqqiullugit 2016-imi ukiup affaani siullermi apparialaarput

Kalaallit Nunaanni Naatsorsueqqissaartarfiup aalisakkat akiinut naleqqersuutit 2016-imi ukiup affaanut siullermut tunngasut saqqummersippai. Aalisakkat tassaapput kinguppanni, qaleralinni saarullinnillu tunisassiat, 2010-mut oqimaalutarneqartut. 

 

Agguaqatigiissillugu kiilumut akinik naleqqersuutinik naatsorsuinermi nunatta avammut niuernerani akit annertunerusumik atorneqarput, ilaatigut tunisassiortut anginerit akigititaannik tapertaqartarlutik. Tassa akinik naleqqersuutit Kalaallit Nunaanniit annissinermi akigitinneqartoq atorneqarluni.

 

Aalisakkat naleqqersuinermi taaneqartut oqimaassusiisa katinneri 2010-mi oqimaalutaaneq malillugu oqimaalutarineqarput. Taamaasilluni naleqqersuummut oqimaalutaq aalajangersimasoq Laspeyres-mi taaneqartartoq atorneqarluni.

 

Aalisakkat akiinut naleqqersuut (2010=100)

Malugiuk: Kisitsisaataasivimmik kisitsisit takukkit  http://bank.stat.gl/fin009 

 

Aalisakkat akii agguaqatigiissillugu 2016-imi kvartali siullermiit 2016-imi ukiup affaanut siullermut ima nikeriarsimapput:

 

·         Kinguppaat akii 1,7 pct.-inik appariarput.

·         Qalerallit akii 3,7 pct.-inik appariarput.

·         Saarulliit akii 2,7 pct.-inik appariarput.

 

 

Kalaallit Nunaanni Naatsorsueqqissaartarfiup nittartakkamini http://bank.stat.gl/FIN009 –mi tamanut saqqummiussaani naleqqersuutit ineriartorneri takuneqarsinnaapput.